Cairt Seirbhíse do Chustaiméirí

Táimid anseo ag Spórt Éireann tiomanta do sheirbhís do chustaiméirí den chéad scoth a sholáthar daoibhse, ár gcliaint. Leagtar amach inár gCairt Chustaiméirí na caighdeáin seirbhíse ar féidir leat súil a bheith acu uainn.

1. Ráiteas Misin

Is é misean Spórt Éireann: “Forbairt inbhuanaithe an spóirt iomaíoch agus caithimh aimsire in Éirinn a phleanáil, a stiúradh agus a chomhordú”

2. Róil / Seirbhísí Spórt Éireann

Is é ár bpríomhról chun gníomhú mar an ngníomhaireacht forbartha le haghaidh spóirt in Éirinn. Chun tacú leis an ról seo, tugaimid faoi roinnt gníomhaíochtaí, an méid seo a leanas ina measc: -

• Comhlachtaí spóirt agus fir agus mná spóirt aonair a chistiú;
• Comhairle a chur ar an Aire Ealaíon, Spóirt agus Turasóireachta, a Roinn agus ranna rialtais eile maidir le saincheisteanna beartas spóirt;
• Faisnéis a sholáthar maidir le gach gné de spórt;
• Abhcóideacht a dhéanamh don spórt;
• Cláir a fhorbair chun tacú le agus cabhrú le heagraíochtaí spóirt agus lena bhfoireann agus oibrithe deonacha;
• Clár cuimsitheach frithdhópála a chur i bhfeidhm, tástáil, oideachas agus taighde ina measc a chinntíonn comhlíonadh uilíoch náisiúnta “an Chóid Dhomhanda Frithdhópála”;
• Seirbhísí oiliúna agus tacaíochta a éascú agus a sholáthar go díreach d’eagraíochtaí spóirt, agus
• Comhpháirtíochtaí agus comhaontais a chruthú i measc eagraíochtaí a bhfuil baint acu i gcur chur cinn, forbairt agus riarachán spóirt.
• Comhionannas agus éagsúlacht a chur chun cinn do chách trí reachtaíocht chomhionannais a chur i bhfeidhm agus gach bacainn atá roimh rochtain ar sheirbhís a shárú ina measc siúd a bhíonn thíos le bochtaineacht, eisiamh sóisialta, daoine faoi mhíchumas agus iad siúd a bhfuil bacainní geografacha rompu.

3. Príomhchliaint, Príomh-Pháirtithe Leasmhara / Príomhsheirbhísí Spórt Éireann

Is féidir an ghrúpáil seo a leanas a dhéanamh ar ár bpríomhchliaint agus príomhpháirtithe leasmhara:

• Láthair Spóirt - Comhlachtaí Rialaithe Náisiúnta, Comhpháirtíochtaí Áitiúla Spóirt, Ionad Náisiúnta Cóitseála agus Oiliúna, Comhairle Oilimpeach na hÉireann, Comhairle Pharailimpeach na hÉireann, Forbairt Champas agus Staidiam Éireann Teo., Fir agus Mná Spóirt Aonair, Staid Morton
• Comhlachtaí Poiblí - an Roinn Ealaíon, Spóirt agus Turasóireachta. An Roinn Oideachais agus Eolaíochta, an Roinn Sláinte agus Leanaí, etc.
• Eile - An Pobal i gCoitinne, na Meáin, Scoileanna, Ollscoileanna, grúpaí spéise, etc.; agus
• Soláthraithe Seirbhíse

4. Seirbhís Ardchaighdeáin a Sholáthar

Táimid tiomanta do sheirbhís éifeachtúil agus chúirtéiseach a sholáthar dár cliaint go léir. Leagtar amach sa cháipéis seo go soiléir saghas na seirbhíse a bhféadfaidh súil a bheith le Spórt Éireann. Ní mheasaimid go mbeidh na caighdeáin seo i gceist go deo mar gheall go mbeidh an chairt seo faoi réir athbhreithniú tréimhsiúil. Tríd an bpróiseas athbhreithnithe seo, beimid meáite go leanúnach ar ár seirbhísí a fheabhsú a mhéid agus a cheadóidh ár n-acmhainní.

5. Prionsabail Seirbhís Ardchaighdeáin do Chustaiméirí

Ghlac Spórt Éireann leis na prionsabail seo a leanas de sheirbhís ardchaighdeáin chun cabhrú linn seirbhís ardchaighdeáin a sholáthar dár gcliaint. Táimid tiomanta don mhéid seo a leanas: -

• Ardchaighdeáin seirbhíse a sholáthar trí chairt chustaiméirí a fhoilsiú agus í a thaispeáint go feiceálach ag gach pointe soláthair seirbhíse.
• Comhionannas agus éagsúlacht a chur chun cinn do chách trí reachtaíocht chomhionannais a chur i bhfeidhm agus gach bacainn atá roimh rochtain ar sheirbhís a shárú ina measc siúd a bhíonn thíos le bochtaineacht, eisiamh sóisialta agus iad siúd a bhfuil bacainní geografacha rompu.
• Oifigí glana inrochtana poiblí a sholáthar trí chaighdeáin ghairme agus sábháilteachta a chomhlíonadh, agus trí rochtain i measc do dhaoine faoi mhíchumas agus daoine a bhfuil riachtanais shonracha eile acu a éascú.
• Faisnéis a sholáthar go réamhghníomhach trína chinntiú go mbíonn teacht iomlán ar an bhféidearthacht a chuireann teicneolaíocht faisnéise agus cumarsáide na linne seo ar fáil agus go bhfuil sé ar aon dul le treoirlínte foilseacháin ghréasáin. Ina theannta sin, leanfaimid le dianiarracht a dhéanamh chun simplíocht a bhaint amach san fhaisnéis go léir atá ar fáil ón CS
• Seirbhís a sholáthar don phobal ar bhealach tráthúil agus cúirtéiseach trí ainmneacha teagmhála a sholáthar chun éascaíocht cumarsáide a chinntiú, agus trí sheirbhís ardchaighdeáin a sholáthar lena chur ar chumas againn timpeallacht chomh-mheasa a chothú idir an CS, an pobal agus ár gcliaint
• Déileáil go héifeachtach le gearáin trí nós imeachta chun gearáin a dhéanamh atá simplí le húsáid a choimeád
• Déileáil go cothrom agus go féaráilte le hachomhairc trí nós imeachta achomhairc atá simplí le húsáid a choimeád
• A chinntiú go bhfreastalaítear ar riachtanais an phobail trí chur chuige struchtúrach a sholáthar i leith comhairliúcháin, rannpháirtíochta agus meastóireachta ina nglacann an pobal páirt; agus trí roghanna a sholáthar i dtaobh na n-amanna a sholáthraítear ár seirbhís, láthair ár seirbhíse agus an teanga a úsáidtear
• Rogha a sholáthar, sa chás gurb indéanta, sa soláthar seirbhíse trí úsáid a bhaint as teicneolaíochtaí atá ar fáil agus atá ag teacht chun cinn le rochtain uasta a chinntiú, anuas ar cháilíocht an tsoláthair
• Seirbhísí ardchaighdeáin a sholáthar go dátheangach - i nGaeilge agus i mBéarla - sa chás gur féidir, agus custaiméirí a chur ar an eolas ar an gceart atá acu a roghnú go ndéileálfar leo trí cheachtar den dá theanga oifigiúil - arb iad an Ghaeilge agus an Béarla na teangacha siúd
• Cur Chuige comhordaithe agus comhtháite i leith soláthar seirbhíse a chothú
• A chinntiú go n-aithnítear ár bhfoireann mar chustaiméirí inmheánacha, agus nuair a bhíonn amhlaidh á dhéanamh, a chinntiú go dtacaítear i gceart leo agus go dtéitear i gcomhairle ina dtaobh maidir le saincheisteanna soláthair seirbhíse

6. Fiosrúcháin Ghutháin

• Nuair a chuireann tú glao gutháin orainn, beimid ar fáil, sa chás gur féidir, le do chuid glaonna a fhreagairt i rith gnáthuaireanta oifige (idir 9.00am agus 5.00pm, ó Luan go hAoine) agus bíonn glórphost ar fáil lasmuigh de na huaireanta seo
• Is í an aidhm atá againn gach fiosrúchán gutháin a phróiseáil laistigh de 24 uair an chloig
• Sainaithneoimid sinn féin agus ár limistéar oibre nuair a dhéanann tú teagmháil linn
• Tá sé d’aidhm againn, chomh maith, bheith cúirtéiseach, cabhrach, agus faisnéis shoiléir agus chruinn a sholáthar duit
• Mura féidir linn freagra láithreach a thabhairt, glacfaimid do chuid sonraí agus glaofaimid ar ais ort laistigh 24 uair an chloig nó ag am a chomhaontaítear
• Más gá dúinn thú a aistriú chuig comhalta foirne eile, tabharfaimid duit a n-ainm agus/nó sonraí teagmhála mura bhfuil fáil orthu chun glacadh le do ghlao
• Ní chuirfimid thú ar feitheamh gan míniú a thabhairt duit, ná ní choimeádfaimid thú ar feitheamh gan nuashonruithe rialta a thabhairt duit
• Ní cheanglóimid glaoiteoirí le glórphost ach nuair nach bhfuil fáil ar an duine ar mian leo labhairt leis/léi
• Tá de chuspóir againn teachtaireachtaí glórphoist a fhreagairt laistigh de lá oibre amháin nó ar fhilleadh dúinn ar an oifig
• Nuashonróimid ár nglórphost ar bhonn laethúil
• Cuirfimid sonraí teagmhála malartacha ar fáil mura mbíonn comhaltaí foirne san oifig ar feadh breis agus lá amháin
• Nuashonróimid ár n-eolairí inmheánacha ar bhonn laethúil
• Déanfaimid ár seacht ndícheall chun freastal ort más mian leat tabhairt faoi do chuid gnó trí Ghaeilge

7. Cumarsáid Scríofa

• Tá d’aidhm againn gach cumarsáid scríofa a aithint - ríomhphoist, facsanna agus litreacha - laistigh de chúig lá oibre, agus freagairt nó freagra críochnaitheach a sholáthar laistigh de dheich lá oibre Sa chás go bhfaightear freagra “as oifig”, tabharfaimid sonraí teagmhála malartacha duit le haghaidh cumarsáid scríofa
• Má fhaighimid comhfhreagras a bhí ceaptha bheith seolta chuig Roinn, Gníomhaireacht eile, etc., seolfaimid an comhfhreagras seo chucu láithreach agus iarrfaimid go ndéanann siad teagmháil leat go díreach

8. Cuairteanna a thugann Cliaint

• Beidh fáil orainn casadh leat go poncúil agus trí choinne i rith ár ngnáthuaireanta oifige
• Tabharfaimid faoi bheith solúbtha sa socrú a chuirimid ar bun chun casadh leat lasmuigh d’uaireanta oifige
• Casfaimid leat go cúirtéiseach, beimid cabhrach agus cothrom inár ndéileálacha leat, agus déanfaimid iarracht déileáil le d’fhiosrúchán a luaithe agus is féidir
• Soláthróimid saoráidí cuí do chruinnithe agus cinnteoimid go bhfuil ár n-oifigí glan, inrochtana agus slán dár gcliaint go léir
• Déanfaimid athbhreithniú leanúnach ar rochtain ar ár n-oifigí dár gcliaint go léir i gcomhréir le treoirlínte an Chumainn Náisiúnta Míchumais

9. Soláthar Faisnéise

• Cinnteoimid go bhfuil ár bhfaisnéis go léir atá ar fáil go ginearálta inrochtana dár gcliaint go léir
• Soláthróimid faisnéis chruinn, agus úsáid á baint as friotal soiléir agus simplí a bhaineann le do cheist

10. Faisnéis faoi Dheontas a Sholáthar

Ar cheann de phríomhsheirbhísí na Comhairle is ea croíchistiú agus cistiú cláir a sholáthar do chomhlachtaí spóirt agus cistiú bunaithe a fheidhmíocht a sholáthar d’fhir/mhná spóirt aonair. Úsáidtear croíchistiú go príomha chun cabhrú le agus tacú leis na struchtúir agus na córais eagraíochta lena mbaineann ríthábhacht ar mhaithe le riar agus forbairt éifeachtach an spóirt. Úsáidtear cistiú cláir chun tionscnaimh shonracha agus spriocdhírithe a chur chun cinn atá dírithe ar, mar shampla, rannpháirtíocht a mhéadú nó sármhaitheas a fhorbairt i bhfeidhmíocht spóirt. Soláthraítear cistiú d’fhir/mhná spóirt aonair trí Scéim Cardála Idirnáisiúnta na Comhairle agus trí scéim Iontaobhas Gailf Fhoireann na hÉireann (‘Team Ireland Golf Trust’).

Lena chinntiú go bhfaigheann gach comhlacht ábhar agus daoine aonair an fhaisnéis a theastaíonn uathu chun iarratas a dhéanamh ar an gcistiú seo, beidh sé mar aidhm ag Spórt Éireann an méid seo a leanas a dhéanamh: -

• Critéir cháilitheachta, téarmaí, coinníollacha agus faisnéis ábhartha eile a sholáthar do gach iarratasóir ionchasach ar dheontas roimh ré
• A mhíniú go díreach an méid a theastaíonn ar fhoirmeacha iarratais agus gan ach ceisteanna ábhartha a chur
• Na hiarratais go léir a phróiseáil, cinneadh deiridh a dhéanamh ina measc, laistigh de shé seachtaine i ndiaidh an t-iarratas a fháil
• Ina theannta sin, beidh sé mar aidhm againn teicneolaíocht a úsáid chun próiseas deontais níos éifeachtúla a éascú
• An cinneadh a rinneadh a chur in iúl do na hiarratasóirí deontais laistigh de dhá sheachtain i ndiaidh dháta an chinnidh
• Íocaíochtaí a eisiúint faoi scéimeanna deontais laistigh de dhá sheachtain i ndiaidh deimhniú a fháil gur comhlíonadh coinníollacha na scéime deontais

11. Faisnéis faoi Fhrithdhópáil a Sholáthar

Comhlíonann Spórt Éireann príomhról i dtaobh sláinte agus cáil lúthchleasaithe a chosaint, agus i dtaobh iomláine an spóirt a chothú trína chlár frithdhópála a chur i bhfeidhm. Ar cheann de na tosca ríthábhachtacha chun seo a bhaint amach, is ea faisnéis a sholáthar, agus d’fhorbair Spórt Éireann ábhair éagsúla a chabhraíonn le faisnéis chuí a sholáthar atá dírithe ar roinnt dár bpríomhpháirtithe leasmhara sa limistéar seo, trí bheith meáite ar an méíd seo a leanas a bhaint amach: -

• Freagairt ar fhiosrúcháin drugaí láithreach nó sa chás nach féidir seo a dhéanamh, laistigh de dhá lá oibre
• Faisnéis chruinn agus chothrom le dáta a sholáthar ar chláir agus substaintí coiscthe atá dírithe ar pháirtithe leasmhara sonracha
• Torthaí tástála a eisiúint laistigh de dhá lá oibre i ndiaidh go bhfaightear iad ón saotharlann

12. Achomhairc

Oibríonn Spórt Éireann Nós Imeachta Achomhairc i dtaca lena scéimeanna go léir. Seo a leanas na príomhshonraí

Cad a chuimsíonn ár Nós Imeachta Achomhairc?

Baineann an nós imeachta achomhairc le hachomhairc ó lúthchleasaithe faoin Scéim Cardála Idirnáisiúnta. Déileálfaidh na painéil ábhartha achomhairc nó, mar mhalairt air sin, an roinn ábhartha sa Chomhairle Spóirt le haon achomhairc eile.

Conas a dhéanaim achomharc?

Is féidir leat achomharc a dhéanamh trí aighneacht a dhéanamh i scríbhinn le Spórt Éireann trí do Chomhlacht Náisiúnta Rialaithe (CNR) trína sheoladh chuig an seoladh atá ar fáil faoi theagmhálaithe i mír 20.

Prionsabail ár nóis imeachta achomhairc

• Caithfimid le d’achomharc i gceart, go cothrom agus neamhchlaonta
• Geallaimid nach mbeidh aon impleachtaí ag achomharc a chur isteach i leith do chuid déileálacha le Spórt Éireann
• Is éard a bhainfidh leis an bPróiseas Achomhairc ná athbhreithniú a dhéanamh ar an tsaincheist atá á hachomharc ag coiste daoine nach bhfuil baint acu sa bhunphróiseas cinnteoireachta.
• Déanfar breithniú ar achomhairc agus déanfar cinneadh agus cuirfear thú ar an eolas laistigh d’ocht seachtaine i ndiaidh d’achomharc a fháil Sa chás nach féidir an sprioc seo a bhaint amach, cuirfimid thú ar an eolas agus leanfaimid le hamhlaidh a dhéanamh go dtí go réitítear an cheist
• Tabharfar an deis duit chun do chás a chur i láthair, i bpearsan, agus féadfaidh do rogha duine/daoine aonair a bheith i gcuideachta leat os comhair an phainéil achomhairc

13. Cabhraigh Linn Cabhrú Leat

• Chun cabhrú linn ár gcaighdeáin seirbhíse a bhaint amach, ba mhór againn é dá bhféadfá a chinntiú go ndéantar gach foirm iarratais a chomhlánú go hiomlán, go cruinn agus go hinléite faoin spriocdháta a shonraítear (sa chás gurb infheidhme)
• Más mian leat casadh le a comhalta dár bhfoireann, ba cheart duit coinne a dhéanamh roimh ré
• Más gá duit do shonraí a leasú, déan “an Fhoirm um Leasú Sonraí” (féach Aguisín A) a chomhlánú agus a sheoladh ar ais sa phost chuig Spórt Éireann, An tUrlár Uachtair, Bloc A, Páirc Oifigí an Chinn Thiar,  West deireadh Oifig Páirc, Bóthar Snugborough, Baile Bhlainséir, Baile Átha Cliath 1, nó ar ríomhphost chuig reception@sportireland.ie nó ar facs chuig 01 8608880. Cinnteoimid go gcuirtear do shonraí nua nó leasaithe in iúl do gach roinn laistigh de Spórt Éireann

14. Ár Láithreán Gréasáin

• Cinnteoimid go gcoimeádtar ár láithreán gréasáin cothrom le dáta, go gcomhlíonann sé ceanglais um rochtain do dhaoine faoi mhíchumas agus go cuimsítear air faisnéis a bhaineann lenár nbunachar cliant
• Cuirimid fáilte roimh do dhearcthaí faoi cháilíocht ár láithreáin ghréasáin agus ar féidir leat iad a chur in iúl trí shaoráid aiseolais ar líne
• Is é seoladh ár láithreáin ghréasáin www.sportireland.ie

15. Gearáin

Tá Spórt Éireann tiomanta do sheirbhís ardchaighdeáin a sholáthar dá chliaint go léir. Cé gur dian a oibrímid chun seo a bhaint amach, táimid feasach air go mb’fhéidir go mbraithfeá, amanna, nár cuireadh a fheabhas de sheirbhís ar fáil duit agus a raibh súil agat leis. Mar thoradh air sin, agus ar aon dul lenár bPlean Gníomhaíochta, thugamar Nós imeachta um Ghearáin ó Chustaiméirí isteach.

Cad a chuimsíonn ár Nós Imeachta chun Gearáin a Dhéanamh?

Cuimsíonn an nós imeachta chun Gearáin a dhéanamh gearáin faoi shaincheisteanna ar nós moilleanna, botún agus lagseirbhís do chustaiméirí a sholáthair Spórt Éireann

Ní chumhdaíonn an nós imeachta chun Gearáin a dhéanamh aon chinn den mhéid seo a leanas: -

• Ceisteanna beartais
• Ceisteanna a bhí faoi réir dlíthíochta
• Ceisteanna a cuireadh faoi bhráid an Ombudsman nó an Choimisinéara Faisnéise

Conas a dhéanaim gearán?

• Mura bhfuil tú sásta le gné éigin dár seirbhís agus má bhraitheann tú gur féidir leat é seo a chur in iúl, iarrtar ort an duine lena bhfuil tú ag déileáil a chur ar an eolas air seo agus déanfaidh sé/sí iarracht cabhrú leat
• Más fearr leat, cuir in iúl, le do thoil, gur mhaith leat labhairt le bainisteoir, a dhéanfaidh iarracht cabhrú leat mar gheall go mbíonn sé mar chuspóir againn gach deacracht a réiteach ar leibhéal “áitiúil”, sa chás gur féidir
• Mura bhfuil tú sásta agus más mian leat gearán a dhéanamh, féadfaidh tú teagmháil a dhéanamh lenár nOifigeach do Ghearáin, a shocróidh go ndéanfar imscrúdú foirmiúil ar do
• Is féidir gearáin a dhéanamh trí scríobh chuig an seoladh faoi theagmhálaithe i mír 20.

Cén fhaisnéis is gá dom a sholáthar nuair a dhéanaim gearán?

• Tríd an bhfaisnéis seo a leanas a sholáthar, féadfaidh tú cabhrú le himscrúdú do ghearáin a bhrostú: -
• D’ainm, seoladh agus uimhir ghutháin
• A méid sin go díreach nach bhfuil tú sásta leis
• Ainm na gcomhaltaí foirne nó na rannóg a dhéileáil leat
• Cuimhnigh, chomh maith, chun cóipeanna d’aon cháipéisíocht/chomhfhreagras ábhartha a d’fhéadfadh bheith agat a sheoladh chugainn
• Más gá don Chomhairle Spóirt aon choigeartuithe réasúnta a dhéanamh ar a timpeallacht chun freastal ar do ghearán, cuir sinn ar an eolas a luaithe agus is féidir, le do thoil

Conas a oibríonn ár nós imeachta chun gearáin a dhéanamh?

• Caithfimid le do ghearán i gceart, go cothrom agus neamhchlaonta
• Geallaimid nach mbeidh aon impleachtaí ag gearán a dhéanamh i leith do chuid déileálacha le Spórt Éireann
• Scrúdóidh comhalta foirne, seachas iad siúd a bhí bainteach leis an mbunsaincheist, do ghearán
• Scrúdóimid agus athbhreithneoimid do ghearán, agus seolfaimid freagra chugat laistigh de dheich lá nó a luaithe agus is féidir i ndiaidh go bhfaightear do ghearán. Sa chás nach féidir an sprioc seo a bhaint amach, cuirfimid thú ar an eolas agus leanfaimid le hamhlaidh a dhéanamh go dtí go réitítear an cheist
• Gabhfaimid leithscéil as aon bhotún, míneoimid an méid a tharla agus cuirimid ina cheart é, pé áit ar féidir
• Athróimid an bealach a dhéanaimid rudaí lena sheachaint an botún céanna a dhéanamh arís amach anseo

16. Aiseolas

• Caithimid le haiseolas mar rud a chabhraíonn linn tuiscint a fháil ar riachtanais agus ionchais ár gcliant
• Lena chinntiú go gcuirtear do dhearcthaí - idir dhearcthaí diúltacha agus dearfacha - in iúl dúinn, soláthraímid cártaí tuairimíochta saorphoist (féach Aguisín C) agus saoráid aiseolais ar líne (féach Aguisín B) ar ár láithreán gréasáin chun do chuid tuairimí a chur in iúl

17. Beartas um Stádas Comhionann

• Táimid tiomanta go hiomlán do sheirbhís a sholáthar atá is inrochtana agus ábhartha dár gcliaint go léir
• Táimid tiomanta go hiomlán do sheirbhís a sholáthar a fhreastalaíonn ar riachtanais agus uaillmhianta sonracha cliantghrúpaí ar leith, agus a lorgaíonn comhionannas toraidh a bhaint amach
• Rachaimid i gcomhairle lenár gcliaint lena chinntiú go bhfreastalaítear ar riachtanais rochtana
• Cuirfimid oiliúint foirne chuí ar fáil chun tacú leis an mbeartas um stádas comhionann

18. Saoráil Faisnéise

Bronntar san hAchtanna um Shaoráil Faisnéise (Achtanna (SF) 1997 agus 2003 an ceart ar an bpobal i gcoitinne chun rochtain ar thaifid a lorg atá á gcoimeád ag comhlachtaí poiblí (faoi réir díolúintí áirithe), cúiseanna a lorg a bhí le cinntí a rinne difear dóibh, agus go gceartaítear faisnéis phearsanta fúthu

Conas is féidir iarraidh ar SF a dhéanamh? Más mian leat hiarraidh a dhéanamh faoi SF ar rochtain a fháil ar thaifid a chreideann tú atá á gcoimeád ag Spórt Éireann, ba cheart duit an iarraidh seo a leanas a dhéanamh: -

• I scríbhinn, ar facs nó ar ríomhphost, agus é a sheoladh chuig an Oifigeach SF
• A lua go soiléir go bhfuil a iarraidh á déanamh faoi na hAchtanna SF
• Na taifid/an fhaisnéis atá á lorg a shainaithint go soiléir
• Bealach na rochtana a lorgaítear a shonrú
• Lorgófar cruthúnas aitheantais sula ndeonaítear rochtain ar fhaisnéis faoin bpearsanra
• Is féidir cúnamh le baill den phobal a bhfuil riachtanais speisialta acu a sholáthar ar iarraidh

Conas a dhéanaim teagmháil leis an Oifigeach SF? Is féidir teacht ar na sonraí teagmhála dár nOifigeach SF faoi theagmhálaithe i mír 20.

19. Seirbhís trí Ghaeilge

• Tá de chuspóir Spórt Éireann seirbhís ardchaighdeáin trí Bhéarla, Gaeilge nó trí Bhéarla agus Gaeilge a sholáthar
• Tá an ceart ag custaiméirí an teanga a roghnú ar fearr leo go ndéileálfar leo inti
• Beidh méid teoranta d’fhaisnéis a eisíonn Spórt Éireann ar fáil i mBéarla agus i nGaeilge araon
• Tá súil againn, chomh maith, a chinntiú go bhfuil líon dóthanach dár bhfoireann inniúil sa Ghaeilge
• Tabharfar freagra as Gaeilge ar chomhfhreagras a fhaightear i nGaeilge
• Déanfar gach iarracht freastal ar fhiosrúcháin a dhéantar ar a nguthán i nGaeilge agus freastal ar dhaoine a thagann i láthair ar mian leo a ngnó a dhéanamh trí Ghaeilge

20. Teagmhálaithe

Is féidir Breis Faisnéise a fháil ar ár seirbhísí do chustaiméirí ó: -

• Seoladh - An Rúnaí, Spórt Éireann, The Courtyard, Sport Ireland Campus, Blanchardstown, Dublin 15, D15 PN0N.
• Guthán - 01 8608800 Facs - 01 8608880
• Láithreán Gréasáin – www.sportireland.ie
• Ríomhphost – contactus@sportireland.ie

Achomhairc

• Seoladh - An Rannóg Achomhairc, Spórt Éireann, The Courtyard, Sport Ireland Campus, Blanchardstown, Dublin 15, D15 PN0N.
• Guthán - 01 8608800 Facs - 01 8608880
• Ríomhphost – contactus@sportireland.ie

Saoráil Faisnéise:

• Seoladh - An tOifigeach um Shaoráil Faisnéise, Spórt Éireann, The Courtyard, Sport Ireland Campus, Blanchardstown, Dublin 15, D15 PN0N.
• Guthán - 01 8608846